Saltar al menú principal
Saltar al contenido

BNEri buruzko dokumentala

Espainiako Liburutegi Nazionala: La memoria del mañana, Espainiako Liburutegi Nazionalak (BNE) eta Acción Cultural Española-k (AC/E) RTVEren lankidetzarekin eginiko ekoizpen bat da, erakundearen historia eta gordetako bildumen balioa erakustea helburutzat duena.

Dokumentalak herrialdeko kultura erakunde zaharrenaren ateak ireki ditu hirugarren mendeurrena dela eta. Mario Vargas Llosa, Miquel Barceló eta Ana Maria Matute izango ditugu gidari eraikinean barrena.

Mario Vargas Llosa duela mende erdi baino lehenago sartu zen lehenengoz Liburutegi Nazionalean, baina aurrez ez zuen izan aukerarik Funts Zaharreko gordailuko apaletara hurbiltzeko. Leku "debekatua" zen, eta bertan daude Espainiako literaturako izen handien eskuizkribuak, inkunableak eta lehenengo edizioak: Cervantes, Góngora, Quevedo, Lope, Garcilaso…

La memoria del mañana dokumentalak idazle eta Nobel sariaren eta klasiko handien topaketa grabatu du, eta Miquel Barcelóren Liburutegi Nazionaleko Arte Ederren gordailurako sarrera erregistratu du. Gordailu horretan, Miróren, Fortunyren, Goyaren edo Velázquezen lanek munduko lan grafikoko funts garrantzitsuenetako bat osatzen dute.

Zintan honako beste hauek ere ikus daitezke: Ana María Matute, idazlea eta Cervantes saria; eta Juan Luis Arsuaga, zientzialaria eta idazlea, erakunde honen garrantziari, bere funtsen balioari eta garai berrietara egokitzeko duen gaitasunari buruz ahoz gora hausnartzen.

Horrez gain, dokumentalak Leonardo Da Vinciren Madrilgo kodexen zaharberritze, digitalizatze eta koadernatze prozesuaren segimendu zehatza egiten du. Espainiako jeinu humanistaren bi lan bakarrak dira.

Azkenik, historian bigarren aldiz, Antonio Asenjo Barbieriren Garaipen Martxa entzun daiteke, musikari madrildarrak 1966ko apirilaren 21ean egungo egoitzaren lehenengo harria jartzearen ildotik konposatu zuena. Madrilgo Goi-mailako Musikaren Errege Kontserbatorioko bandak jotzen du.

 Dokumentala Espainiako Liburutegi Nazionalak eta Acción Cultural Española-k ekoitzi dute RTVEren lankidetzarekin, Luis Felipe Torrenteren eta Daniel Suberviolaren gidoiarekin eta Fernando Martín errealizadore dela. Liburutegi Nazionalaren historiaren, orainaren eta etorkizunaren erretratu bat eskaintzen du.
 

Lotutako informazioa