Liburutegiak beste erakunde publikoen laguntza du hirurehungarren urteurrenaren ospakizunari oihartzuna emateko, horien artean daude: Loterías del Estado, Correos, La Real Fábrica de Moneda y Timbre eta ONCE. Horietako bakoitzak Espainiako Liburutegi Nazionalaren hirurehungarren urteurrenari zuzendutako produktu bat kaleratuko du.
Loterías y Apuestas del Estado
2011ko abenduaren 29a
Loterías y Apuestas del Estado-k abenduaren 29an txartel bat aterako du BNEren irudiarekin eta hirurehungarren urteurreneko leloarekin
ONCEren kupoiak
2012ko martxoaren 10a
Organización Nacional de Ciegos Españoles-ek (ONCE) kupoi-emisio bat egingo du irudiarekin, logoarekin eta Hirurehungarren urteurrenaren -BNEren 300 urte. Zurea da- leloarekin, 2012ko martxoaren 10eko zozketan
Oroitzapenezko zigilua
2011ko azaroaren 4a
Azaroaren 4an kaleratuko da Correosek Espainiako Liburutegi Nazionalaren hirurehungarren urteurrena dela eta aterako duen zigilua, eraikinaren fatxadaren irudia duena.
Zigiluaren ezaugarriak hauek dira: posta-balioa 0,80 eurokoa da, eta formatua 40,9 x 28,8 milimetrokoa, inprimaketa hirurehun mila alekoa izango da eta offset-en inprimatuko da.
Txanpon berezia
2012ko apirila
Real Casa de la Monedak oroitzapenezko zilarrezko txanpon berezia egingo du.
Grabatua eta poema
Jose Hernandez artista ospe handiko grabatzailea da, Arte Ederren sari Nazionala eta Real Academia de Bellas Artes de San Fernando akademiako kidea da, eta berari eskatu zaio kobrezko xafla bat egin dezala, hori erabiliz hirurehungarren urteurreneko grabatuak estanpatzeko. Karpeta berean, grabatuarekin batera poema bat jarriko da, Joan Margarit-ena, 2008ko Poesia Sari Nazionalaren irabazlearena.
Katalogoa
