Saltar al menú principal
Saltar al contenido

Jornadas de Puertas Abiertas

III Jornada de Puertas Abiertas

III Jornada de Puertas Abiertas

Liburutegi Nazionala guztiontzat zabaltzeko helburuaren baitan, hiru mendetik gorako ibilbidean aurrenekoz, Liburutegiko Zuzendaritzak Ateak Zabalik Jardunaldia abian jartzeko erabakia hartu zuen. Liburutegiaren bildumak eta zerbitzuak herritar guztiei ezagutarazteko xedea duten jardunaldi horiek urtean birritan egiten dira: bata udaberrian, Liburuaren Egunaren karietara, eta bestea, neguan. 2005eko apirilaren 23an lehenengoz egin zenetik, jende ugari erakarri dute gisa honetako jardunaldiek.

Liburutegiaren eguneroko martxa, bertako espazioak, zerbitzuak eta bildumak ezagutaraztea da, hain zuzen, jardunaldien helburu lehena. Horretarako, 25 pertsonako taldeak egiten dira, eta erakundeko langileek gidaturik, funtsen kontsultarako areto nagusiak zeharkatzen dituzte. Era horretan, liburuak kokatuta dauden gordailuak ezagutzen dituzte, erakundeak eskaintzen dituen zerbitzuei buruzko informazioa jasotzen dute eta Liburutegiaren bildumen garrantziaren eta askotarikotasunaren berri izaten dute, dagokion funtsean aditua den liburuzainak aurkeztutako lan hautatu zenbaiten bitartez.

III Jornada de Puertas Abiertas

III Jornada de Puertas Abiertas

Orain artean, Ateak Zabalik erako lau jardunaldi egin dira, larunbat goizetan, 09:00etatik 14:00etara bitarte. Bisitari bakoitzari sarreran bertan zehazten zaio zer ordutan sartuko den, eta hartara, ez dago erreserba egin beharrik.

Bisita taldean eginez gero, bisita osoa egiteko 50 minutu beharko dira. Hain zuzen ere, Liburutegiko Irakurketa Aretoak, Gordailu Orokorra, Patronatu Aretoa eta Arte Ederren Aretoa ikusiko dituzte, ibilbide gidatuan. Bertan, gure Ondare Nazionalaren bibliografia altxorretako batzuez gozatu ahal izango dute.