Saltar al menú principal
Saltar al contenido

Katalogo Bibliografikorako sarbidea

Katalogo bakarrean, 1831. urteaz geroztik argitaratu diren liburu modernoen bibliografia erreferentziak, 1830era bitartean argitaratutako garai bateko liburuen, liburuxken eta orri inprimatuen bibliografia erreferentziak eta eskuizkribuen, aldizkarien, egunkarien, irarlanen, marrazkien, argazkien, mapen, planoen, bideograbazioen, partituren eta soinu grabazioen bibliografia erreferentziak jasotzen dira. Gaur egun duen edukia ikusi nahi baduzu, jo ezazu katalogoaren egoerari buruzko informaziora.

Nolanahi ere, Liburutegi Nazionalean dauden lan guztiak ez daude ikusgai bere Katalogo Automatizatuan. Nahi duzun dokumentua aurkitzen ez baduzu, jo honako helbide honetara: helbide elektronikoa.

Kontsulta:

Ondoko era hauetan egin daiteke kontsulta katalogoan:

“Bilaketa alfabetikoa” aukerak bilaketa egilearen arabera, gaien arabera, izenburuaren arabera eta seriearen izenaren arabera egiteko aukera ematen du. Bilaketa mota honek zerrenda moduan ematen du emaitza, kontsultatutako terminoa abiapuntu hartuta, eta bibliografia erregistroekiko lotura ere eskaintzen du.
Katalogoan kontsulta egitean, Liburutegi Nazionalaren funts digitalizatuetan ere sar zaitezke. Horretarako, erregistroen bistaratze zehatzean dauden estekei jarraitu beharko diezu. Irudi digital horietako gehienak hainbat bilduma digitaletan (esp) ere ikusgai daude.

Erregistroak jaistea:

Katalogoan, bibliografia erregistroak jaisteko aukera ere bada. Jaisteko, eskuratu nahi diren erregistroak aukeratu behar dira, bertan agertzen den "Gorde" botoia sakatuz (nola emaitzen zerrendan, hala erregistroan bertan). Ondoren, pantailaren goiko aldean, “Gordetakoak” aukerara sartu, eta hortxe izango dira hautatutako erregistroak. Hainbat modutan jaitsi daitezke erregistroak: posta elektroniko bidez, helbidea bera idatziz edo ordenagailuan bertan gorde daitekeen artxibo bat sortuz.

Era berean, sistemak eskaintzen duen z39.50 erabiliz ere jaits ditzake bezeroak erregistroak. Horren bitartez, erregistroak jaitsi nahi diren liburutegiak aukera daitezke, eta horien artean izango da Liburutegi Nazionala ere. Ondoren, nahi den bilaketa egin daiteke, eta erabiltzaileak interesgarrienak iruditzen zaizkion erregistroak eskura ditzake.

Katalogo Bibliografikorako