XIX. mendeko Musika Funtsen Katalogo Kolektiboa
Iberoamerikako Liburutegi Nazionaletan dagoen Musikako Bibliografia Ondarearen inbentarioa egitea, ondare hori deskribatzea eta non dagoen jakitea da, hain zuzen, Katalogo Kolektibo honen helburua.
2002. urtean Guatemalan egin zen ABINIA Batzarrean aurkeztutako egitasmoa izan zen katalogo honen abiaburua.
Honako hauek dira lehenengo etapa honetan parte hartu nahi dutela adierazi duten herrialdeak: Bolivia, Txile, Kuba, Espainia, Mexiko, Peru, Dominikar Errepublika eta Venezuela.
Edukia:
Une honetan, 15.000 lan inguruk osatzen dute eskaintza: gutxi gorabehera 25.000 ale daude, orotara. Gehientsuenak Espainiako Liburutegi Nazionalekoak dira berez, katalogo kolektibora egindako lehen ekarpena baitira.
Funts mota:
XIX. mendean argitaratu edo ekoitzitako partiturak (musika praktikoa); nola inprimatuak, hala eskuz idatzitakoak. Musikak hedatzeko daukan modua dela-eta, sarri, joaldietarako erabilitako paperak edo eskubideen babeserako aurkeztutako kopiak baino ez dira gorde.
Musika lanen monografiak. Eta beste gai batzuen karietara egindako monografietan edo aldizkako argitalpen orokorretan agertzen diren musika gehigarriak ere bai.
Partiturei itsatsita doazen faksimileak ere badira; eta horiek osatzen dute, jakina, katalogoaren funtsezko edukia.
Bildumaren ezaugarriak:
Genero guztiak daude barne hartuta: antzerki musika (zarzuela eta opera), musika erlijiosoa, musika militarra eta musika instrumentala; bereziki aretokoa (baltsak, polkak, mazurkak, etab.), sasoi horretan zinez oparoa baitzen.