Saltar al menú principal
Saltar al contenido

Espainiar Bibliografia Ondarearen Katalogo Kolektiboa

Espainiako liburutegi publiko zein pribatuetan dagoen Bibliografia Ondarearen inbentarioa egitea eta ondare hori deskribatzea da, hain zuzen, Katalogo Kolektibo honen helburua.

Bibliografia Ondarearen Katalogo Kolektiboa eratzeko, Espainiako Ondare Historikoaren 16/1985 Legea betetzen da. Kultura Ministerioak (Liburu, Artxibo eta Liburutegien Zuzendaritza Nagusia) eta Autonomia Erkidego guztiek elkarlanean eratu dute.

Autonomia Erkidegoek aipatutako Ministerioarekin hitzarmenak sinatuz hartu dute parte. Autonomia Erkidegoak honako urteetan hasi ziren lankidetza lanetan: Andaluzia, 1989an; Aragoi, 1989an; Asturias, 1988an; Balearrak, 1994an; Kanariak, 1989an; Kantabria, 1997an; Gaztela-Mantxa, 1994an; Gaztela eta Leon, 1989an; Katalunia, 1990ean; Valentziako Erkidegoa, 1989an; Extremadura, 1997an; Galizia, 1989an; Errioxa, 1997an; Madril, 1990ean; Murtzia, 1989an; Nafarroa, 1996an; eta Euskal Autonomia Erkidegoa, 1994an.

Katalogo Kolektiboaren edukia

Bibliografia Ondarearen Katalogo Kolektiboa oraindik ere lantzen ari den egitasmoa da; eta, beraz, etengabe zabaltzeko eta arazteko prozesuan dago.

Azken eguneratzean (2006ko martxoaren 9an), 701.862 erregistro zituen katalogoak; gehientsuenak, XV. eta XX. mendeetan inprimatutako lanen hainbat argitalpenenak. Bestalde, aipatutako argitalpenen 1.826.721 aleri buruzko informazioa ere biltzen zuen, 698 liburutegitan gordetako aleei buruzkoa, hain justu. Erregistroak, oro har, aleak aurrean izanda egin dira. Beste erregistro batzuk, alabaina, liburutegien katalogoetatik eskuratutako informazioarekin egin dira; baita honako argitalpen hauetatik eskuratutako informazioarekin ere:

  • Espainiako liburutegietan dauden XVI. mendetik XVIII. mendera bitartean inprimatutako lanen Katalogo Kolektiboa. Behin-behineko argitalpena. Madril, Kultura Ministerioa, 1972-1984.
  • Espainiako liburutegien inkunableen katalogo orokorra. Madril, Liburu eta Liburutegien Zuzendaritza Nagusia, 1989-1990.

 

Bibliografia Ondarearen Katalogo Kolektiboa