Saltar al menú principal
Saltar al contenido

Más información

Portadas de revista

Liburutegi Digital Hispanikoaren proiektuak eskaintzen duen zerbitzua da Hemeroteka Digitala, eta Liburutegi Nazionaleko Espainiako Ondare Bibliografikoa Internet bidez kontsultatzeko aukera eskaintzea eta jendaurrean zabaltzea da bere helburua.

2007ko martxoan sortu zen hemeroteka hau, Liburutegiak duen Espainiako prentsa historikoaren bilduma digitalerako sarrera eskaintzeko. Bilduma horrek prentsa eta aldizkarien 143 izenburu zituen hasieran. Izenburuen eskaintza zabaldu delarik, gaur egun 2.371 izenburu ditu, eta 67 milioi orri baino gehiago.

Izenburuen eskaintza zabalduz joango da aurrekontuak posible egiten duen heinean, Espainiako aldizkari eta goiburuen garapen historikoa estaltzeko, hasieratik XX. mendearen erdialdera, beti ere gure legediak jabetza intelektualaren alorrean adierazten dituen mugak errespetatuta.

Bilduma horretarako erabili den irizpidea garai bakoitzean egunkari eta aldizkari adierazgarriak hautatzea izan da, hemerografia-edizio hispaniarraren aberastasun tematikoa islatzen dutenak. Beraz, hemeroteka bisitatzen dutenek prentsa politikoa, satirikoa, umoristikoa, zientifikoa, erlijiosoa, ilustratua, entretenigarria, kirol-prentsa, artistikoa, literarioa, etab. aurkituko dituzte.

2011n, Hemeroteka Digitalari zuzenean eragiten dioten funtsezko bi nobedade izan ziren. Batetik, Liburutegi Digital Hispanikoko (BDH) eta Hemerotekako erregistro guztiak BDH interfazetik kontsultatzeko aukera eskaini zen; bestetik, 2.0 funtzionaltasunak zekartzan interfazea garatu zen.

2012. urtean Hemeroteka Digitalaren aplikazioaren bertsio berri bat kaleratu zen, OAI (Open Archives Initiative) eta EUROPEANA nazioarteko estandarrekin betetzen duena, eta kontsultak errazteko hainbat hobekuntza dakartzana bilaketa-interfazean.

Bilduma kudeatzeko aplikazioari esker, izenburu zehatzak nahiz toki edo data jakin batean argitaratutako publikazio sorta bila daiteke. Emaitzen pantailaren bitartez testu digitalizatuak irakurri daitezke, miniatura-irudiak markatuta zein PDF letren bidez estekatuta.

Publikazio digitalen formatua OCR-dun PDF da; horri esker, argitalpenaren testuan edozein gai bila daiteke. Testuaren bidezko bilaketa aukera berri honi esker, Hemeroteka Digitala aparteko tresna bilakatu da ikerketarako.

Bilduma digital hau sortzeko helburu nagusia da, Espainiako aldizkari eta prentsa historikoaren ikerketa eta kontsulten erreferente bilakatzea. Testuen irakurketa eta kontsulta ahalbideratzeaz gain, bilduma hemerografiko digital nagusiei buruzko informazioa eskaintzen du; horrela, nonbait aztertu gabeko “Espainiako ondare hemerografikoaren” ezagutzea eta eskuratzea errazten da.