Saltar al menú principal
Saltar al contenido

Depósito legal electrónico

2015eko uztailaren 10ean, lineako argitalpenen lege-gordailua arautzen duen Errege Dekretua onetsi zuen Ministroen Kontseiluak. Errege dekretu horrek uztailaren 20ko 23/2011 Legea garatzen du, Lege-gordailuari buruzkoa. Aipatu legean, webguneak eta lineako argitalpenak lege-gordailuan biltzeko objektu gisa aitortzen dira lehen aldiz.

Lege-gordailuan edozein motatako webguneak eta horietan dauden argitalpenak biltzen dira, baldin eta Espainiako kulturei lotutako ondare bibliografikoa, entzutekoa, ikustekoa, ikus-entzunezkoa edo digitala badute.

Argitalpen horien berezitasunak direla eta, ezin dira zehatz-mehatz bildu, biltegiratu eta gorde gaur egungo baldintza teknologikoekin. Hori dela eta, legeak zenbait berritasun jasotzen ditu euskarri ukigarria duten argitalpenen lege-gordailuaren araudiari dagokionez:

  • Gordailuaren ekimena ez da editoreena, baizik eta zaintzeko zentroena (Espainiako Liburutegi Nazionala eta autonomia-erkidegoek beren eskumenen esparruan izendatutakoak), zeinek zaindu beharreko lineako dokumentu-ondarean lehentasunak ezarriko dituzten.
  • Lineako argitalpenei ez zaie lege-gordailuko zenbakirik emango.
  • Zaintzeko zentroetan mota horretako argitalpenak lege-gordailu bezala sartzeko hainbat bide daude:

- Interneten libreki atzitu daitezkeen webguneen eta horietan dauden edukien kasuan, harrapatze automatikoa erabil daiteke, webgunea harrapatzen duten roboten bitartez.

- Erabiltzailea eta pasahitza eskatzen duten argitalpenen kasuan edo automatikoki harrapa ezin daitezkeenak (datu-baseak, liburu elektronikoak…), editoreek eta zaintzeko zentroek gordailua egiteko modurik eraginkor eta errazena adostuko dute.

  • Lineako edukien editoreen eta eduki horiek sortzen dituztenen betebeharra mugatua da. Izan ere, zaintzeko zentroek beren argitalpenak bil ditzatela ahalbidetu behar dute bakarrik edo hauek eskatzen dutenean gordailua eman.

Bide horretatik sartutako argitalpenek jabetza intelektualari eta datu pertsonalen babesari buruzko legedia beteko dute zehatz-mehatz.

Gai honi lotutako galderak helbide honetara bidal daitezke: archivoweb@bne.es