Saltar al menú principal
Saltar al contenido

Archivo de la Palabra

Ahots grabazioen azpi-bilduma

Argizarizko zilindroen irudia

Atzerritarrentzako gaztelera ikastaroak argizarizko zilindroetan, 1905

Liburutegira ekarri zituzten 1950ean arbelezko 24 disko Menéndez Pidalek zuzentzen zuen Azterketa Historikoen Zentroko Hitzaren artxibo ohitik. Disko horietan daude Azorín, Juan Ramón Jiménez, Pío Baroja, Ramón y Cajal eta garai hartako literatura eta politika arloko beste hainbat pertsona ospetsuren ahotsak, adibidez, Primo de Rivera jeneralarena. Urte hartatik aurrera, kultura, zientzia, arteak edo politika munduko pertsona ospetsuen ahotsak gorde eta zabaltzeko asmo horrekin, Hitzaren artxiboa etengabe aberasten ari da; gauzak horrela, gaur egun soinu ez-musikalen 20.000 bat dokumentu daude.

Bilduma honetan, hauek barne hartzen dira:

1. Hizkuntza-ikastaroak.
Artxiboan argizarizko zilindroen bilduma paregabea dago. Gizakiaren soinua eta ahotsa grabatzeko erabili ziren lehenengo euskarria ziren. Besteak beste, azpimarratzekoa da ingelesdunentzako gaztelerazko lehenengo ikastaroa, 1905ekoa.

2. Azterketa Historikoen Zentroak grabatutako ahotsak (1931tik 1933ra arte)
Arbelezko diskoetan daude grabatuta Azorín, Juan Ramón Jiménez, Unamuno, Pío Baroja, Valle Inclán, Ortega y Gasset, Santiago Ramón y Cajal eta Espainiako beste pertsona ospetsuen ahotsak.

3. Errege eta estatuko agintarien ahotsak

4. Gerra zibil garaiko abestiak eta hitzaldiak
Hari magnetikoen bilduma, 20ko hamarkadatik 50eko hamarkada bitartekoak, alderdi errepublikanoen eta nazionalaren abestiak barne hartzen dituena, baita oratorioak, hitzaldiak edo harenga politiko-militarrak dituena ere.

5. Idazle hispanoamerikarren ahotsak
1970-1980 urteetako binilo-bilduma, gaztelaniazko hizkuntzan egon diren idazle garrantzitsuenen ahotsekin, euren lan eta poemak ahotsez kontatuta.

6. Eremu-ikerketa
Grabatutako elkarrizketen bidez herriko kultura-tradizioak jaso dira; berriena, Ramón Pelinski etnomusikologoaren dohaina: 93 zinta ireki, 9 kasete eta 5 bideo-grabazio, eremu-ikerketetan egindakoak. Bertan daude Artiko Zentralean Inuit herrien musika eta tradizioei buruz egindako elkarrizketak.