Saltar al menú principal
Saltar al contenido

Geografia eta mapak

Atlas eta lan espezializatuen azpi-bilduma

Waghenaer, L.J., Spiegel der Zeevaert. Anberes, 1591 (sakatu irudia handitzeko)

Liburutegian mila obra baino gehiago barne hartzen dira, besteak beste, kartografia, geografia, astronomia eta bidaiei buruz.  Oso garrantzitsua da Flandeseko eta Holandako, Italiako, Frantziako, Ingalaterrako eta Alemaniako atlasen bilduma, XVI. mendetik XIX. mendera artekoa, baita Espainiako atlasena ere, XVIII. eta XIX. mendekoa, horietako asko luxuzko edizioetan argitaratuak eta beste batzuetan, hainbat motibo medio, balio edo bitxitasun berezia duten piezetan. 

Errege Liburutegiko hasierako funtsek, Felipe V.ak Frantziatik ekarritakoek eta hainbat bidetatik Liburutegian barne hartu zirenek osatzen dute bildumaren hasierako funtsa. Bilduma batik bat 1913an aberastu zen, Estatuko Lehen Idazkaritzan edo Estatuko Ministerioan zegoen Geografia Kabineteko garai bateko funtsak lekualdatutakoan. Tomás Lópezen Espainiako kartografia ia osoaren bilduma ere oso garrantzitsua da, XVIII. mendekoa. Nabarmentzeko modukoa da, halaber, nabigazio-liburuen Condeminas bilduma, 1969an dohaintzan jasotakoa.

Liburutegian Espainiako eta atzerriko atlas modernoen bilduma handi bat ere badago eta eskurapen berriak egin ahala handitzen eta osatzen ari da. Erreferentzia-lanetan espezializatutako bilduma bat ere badago.