Saltar al menú principal
Saltar al contenido

Datu estekatuak BNEn

datos.bne.es webgunea Espainiako Liburutegi Nazionalak eta Ontology Engineering Group taldeak garatu dute. Bai liburutegiaren azken erabiltzaileei bai Web Semantikoko teknologian adituak diren garatzaile informatikoei dago zuzenduta.

Lotutako datuen irudi grafikoa

Azken erabiltzailearentzako eta ikertzailearentzako, proiektu esperimentala da, datu bibliografikoak gerturatu eta aztertu nahi dituena, katalogo tradizionalek egiten dutenaren guztiz desberdina. Horretarako, nabigatzeko esperientzia zeharo berria proposatzen du, tradizionalaren ikuspuntutik urrun, liburutegiko baliabide guztiak hartzen dituena, barneko datuak kanpoko beste batzuekin osatuz.

Informatiko adituei lengoaia semantikoarekin idatzitako datu-bankurako sarbidea ematen die, adituei eta garatzaileei eskaintzen zaiena berrerabil dezaten. Horretarako, datu bibliografikoak, egileenak eta gaienak liburutegien arkitektura tradizionaletik Web semantikoko eredu eta egituretan eraldatu dira. Teknologia horren helburua datuak webgunean hobeto berrerabiltzeko moduan argitaratzea da, beste aplikazio batzuekin ere erabili ahal izateko, barneko zein kanpoko datuen artean dauden loturak ahal beste erabiliz. Ekimen honekin, Liburutegia katalogo bibliografikoak eta autoritateenak RDF (Resource Description Framework) formatuan argitaratzeko erronkara batzen da, Lotutako Datuen (Linked Data) printzipioei jarraiki. Bi horiek Web semantikoaren oinarrizko osagarriak dira. Hala, beste liburutegi garrantzitsuen (Frantzia, Erresuma Batua, Alemania edo Library of Congress, besteak beste) ekimenean ere parte hartzen du Espainiak

Datuetan aplikatzen den lizentzia CC0 da (Creative Commons Public Domain Dedication), lizentzia erabat irekia eta berrerabilpena sustatzera bideratua. Hala, BNE Espainiako Sektore Publikoak datuak argitaratzeko eta berrerabiltzeko duen konpromisoarekin bat egiten du, betiere sektore publikoko informazioa berrerabiltzeari buruzko urriaren 24ko 1495/2011 Errege Dekretuak ezarritakoari eta CENL-ak (Conference of European National Librarians) proposatutakoari jarraiki.

Datuak atarian bertan daude eskuragarri, baita edukien gaineko negoziazioen bidez ere, edota Sparql interfazearen bitartez. Azken hau espezialistei dago zuzenduta. Datuen deskarga osoak ere egin daitezke.

Kontaktua

  • Informazio gehiago jaso edo atari honetan eskainitako informazioari buruzko iritziren bat eman nahi izanez gero, idatz iezaguzu:

    helbide elektronikoa