Saltar al menú principal
Saltar al contenido

Zer da ISSN zenbakia?

ISSNa (International Standard Serial Number / Argitalpen Seriatuen Nazioarteko Zenbaki Normalizatua) zenbakizko kode bat da, argitalpen seriatuak identifikatzeko nazioartean ezagutzen dena. Argitalpen seriatuei buruzko informazioa jaso edo jakinarazi behar den guztietan erabil daiteke ISSNa; era horretara, lana aurrezten da eta izenburua edo dagokion bibliografia informazioa transkribatzean gerta litezkeen akatsak saihesten dira. ISSNak anbiguotasunik edo akatsik gabe identifikatzen du dagokion argitalpen seriatua. ISBNak liburuetan adierazten duena adierazten du ISSNak, argitalpen seriatuetan.

ISSNa zortzi zenbakiz osatua da (azkena kontrol digitu bat da) eta argitalpen seriatuaren identifikazioa beste esanahirik ez dio eransten: ez du argitalpen herrialdea edo editorea adierazteko aurrizkirik. ISSNak argitalpena egiten den herrialdeko ISSNa Zentro Nazionalak esleitzen ditu, zuzenean.

ISSNa modu bereiztezinean dago lotuta argitalpenaren izenburuarekin, eta izenburuan aldaketarik eginez gero, ISSNa aldatu egingo da, beti. Izenburuak aldaketarik edo bariaziorik ez badu, ISSNa bere horretan utziko da, eta argitalpenaren faszikulu edo liburuki guztietan inprimatu beharko da; izenburua aldatzen bada (aldaketarik txikiena eginez gero ere), beharrezkoa da beste ISSN bat eskatzea, eta ezingo da aurrekoa erabiltzen jarraitu.

Zalantzarik argitu edo iradokizunik egin nahi izanez gero, bidali mezu bat helbide honetara.