Saltar al menú principal
Saltar al contenido

ISBNaren eta ISSNaren arteko bereizketa

ISSNa (International Standard Serial Number / Argitalpen Seriatuen Nazioarteko Zenbaki Normalizatua) eta ISBNa (International Standard Book Number / Liburuen Nazioarteko Zenbaki Normalizatua) zenbakizko identifikazio kodeak dira. ISSNak –zortzi zifraz osatutako zenbakia– argitalpen seriatuak identifikatzen ditu, eta ISBNak –hamar zifraz osatutako zenbakia–, berriz, liburuak. ISSNa hautazkoa da (legeak ez du argitaratzailea zenbaki hori erabiltzera behartzen); ISBNa, aldiz, derrigorrezkoa da, baldin eta liburua ISBNa aplikagarria den eremuaren barruan sartzen bada (ISBNaren aplikazio irizpideei buruzko informazioa eskuratu nahi izanez gero, ISBNaren Espainiako Agentziarekin harremanetan jartzea da onena).

ISSNa eta ISBNa ez dira bateraezinak: zenbait argitalpenek bi zenbakiak eduki ditzakete, esate baterako, urtekariek, monografia sailek, etab. ISSNak saila identifikatuko du, eta ISBNak, berriz, emanaldi edo ale zehatza. Beraz, ISSNa berdina izango da sailaren hurrenez hurreneko emanaldi edo liburuki guztietan (baldin eta izenburuan aldaketarik egiten ez bada); ISBNa, aldiz, aldatu egingo da batetik bestera. Argitalpen batek bi zenbakiak baditu, hau da, ISSNa eta ISBNa baditu, biak elkarren alboan inprimatzea gomendatzen da, eta zenbaki bakoitzaren aurretik dagokion laburdura jartzea.

Zalantzarik argitu edo iradokizunik egin nahi izanez gero, bidali mezu bat helbide honetaraPara cualquier duda o sugerencia envíe un mensaje a:
Helbide elektronikoa