Saltar al menú principal
Saltar al contenido

Non agertu behar duen

ISSNa lau zenbakiko bi multzotan banatuta idazten da; bi multzoak gidoi baten bitartez bereizten dira, eta ISSN laburdura izaten dute aurretik.
Adib. ISSN 0000-0000

Argitaratzaileei gomendatzen zaie ISSNa leku nabarmen batean inprimatzea, eta argitalpen seriatuaren ale edo faszikulu guztietan leku berean jartzea.

Argitalpen inprimatuei dagokienez, ISSNa azalaren atzealdeko goiko bazterrean, eskuinean, inprimatzeko gomendioa egiten da. CD-ROM, DVD edo disketeei dagokienez, ISSNa azaleko pantailan jarri behar da, eta baita diskoan edo disketean bertan eta/edo edukiontziaren azalean ere. Sareko argitalpenei dagokienez, ISSNak hasierako pantailan edo azalean agertu behar du, metadataren eremuan.

ISSNdun barra kodea erabiltzen bada, ISSNa aurretik aipatutako modu berean inprimatu behar da.

Argitalpen seriatu baten zenbaki edo ale batek, ISSNaz gainera, ISBNa badarama, bi kodeak elkarren alboan agertuko dira, eta horietako bakoitzak dagokion laburdura edukiko du aurretik idatzita (ISSNa edo ISBNa).

Argitalpen seriatu batek beste argitalpen seriatu bat badu erantsita, eta argitalpen erantsi horrek beste ISSN bat badu, erantsitako argitalpenaren ISSNa argitalpen seriatuaren azalean edo buruan inprimatuko da.

ISSNa argitaratzaileen katalogoetan agertzea komeni da.

Para calquera dúbida ou suxestión, envíe unha mensaxe a
Helbide elektronikoa