Saltar al menú principal
Saltar al contenido

Zenbakia egokitzen zaien argitalpen motak

Seriedun edozein argitalpeni, hau da, izenburu bera izan eta hainbat alditan argitaratzen den, eta berez, etengabe argitaratzen jarraitzea aurreikusten den lanari dagokio. Oro har, zenbakia darama edota izendatze kronologikoa dauka. Seriedun argitalpenak honako hauek dira: aldizkariak, egunkariak, buletinak, urtekariak (txostenak, direktorioak e.a.), elkarteen memoriak, aldizkako biltzarren akta-txostenak, transakzioak, e.a. Serie monografikoak ere har daitezke seriedun argitalpentzat.

Zatika argitaratutako lanak, baina aldez aurretik amaitzeko epea jarrita daukatenak edo ale kopurua aldez aurretik ezarrita dutenak (adibidez faszikuluen bildumak edo, urteurrena dela eta, epe labur batez argitaratuko den aldizkaria) ez dira seriedun argitalpenak eta beraz, ezin dute ISSN zenbakia hartu.

Seriedun argitalpenak edozein euskarritan kalera daitezke. Seriedun argitalpenak ez dira soilik paperean argitaratuak, baita online argitalpen elektronikoak ere, CD-ROMak, disketeak, mikrofitxak, e.a. goian zehazturiko seriedun argitalpenari dagozkion irizpideak betetzen dituen serie batekoak baldin badira multzoan sartzen dira. Lan berbera hainbat euskarritan argitaratzen bada, bakoitzari ISSN zenbaki propioa jarri behar zaio.

Seriedun argitalpen bat hainbat hizkuntzatan argitaratzen bada, argitalpen bakoitzari ISSN zenbaki bana egokituko zaio.

Seriedun argitalpen batek gehigarria baldin badauka, eta horrek numerazio propioa baldin badauka, argitalpen nagusitik at, ISSN zenbaki propioa dagokio, dakarren argitalpen nagusiaren zenbakiaz beste.

Ebaluazio akademikoen agentzien deialdi gehienetara ekartzen diren argitalpenetan ISSNa eskatzen da. Eskaera honek arazo bat sortzen dio ISSNren Zentro Nazionalari, berez ISSN zenbakia eskatzen da behar diren betekizunak ez dituzten argitalpenetan. ISBNko Agentziak lehiaketen gai honi buruzko jarrera zehazten duen agiria idatzi du, hemen ikusi ahal da:  

Behin eta berriro errepikatu behar da ISSNa ez dela nahitaezkoa eta haren lorpenak ez duela seriedun argitalpenaren kalitatea, nabaritasuna edo originaltasuna bermatzen. ISSNa soilik seriedun argitalpenei egokitzen zaie, nazioarteko gidalerroen arabera, eta hortik kanpo geratzen dira ondoko baliabide motak: blogak, hainbat iturrietatik bildutako artikuluak, orrialde pertsonalak, web-atariak, separatak eta liburuxkak.

 

Edozein zalantza edo iradokizun egin nahi izanez gero, bidal ezazu mezu bat posta elektroniko honetara