Saltar al menú principal
Saltar al contenido

ISSNaren abantailak

 Editoreek, legez, ISSNa nahitaez eskatu behar ez badute ere, abantaila ugari dituela hartu behar da kontuan:

  • ISSNak aukera ematen du argitalpen seriatu bat mundu osoan identifikatzeko, modu unibokoan eta anbiguotasunik gabe, edozein dela ere lana editatu den herrialdea edo hizkuntza, eta axolarik izan gabe beste argitalpen seriatu batzuek izenburu bera edo antzekoa duten. Horregatik, ISSNa oinarri-oinarrizko osagaia da argitalpen seriatuei dagokien informazio, komunikazio, kontrol eta kudeaketa prozesu guztietan.
  • Eskaria egiten denean, identifikazio baliabide zehatza eta berehalakoa ziurtatzen du.
  • Editore, banatzaile, liburuzain eta harpidetza agentziei komunikazio metodo azkarra eta eraginkorra eskaintzen die, eta salmenta zirkuituak hobetzen ditu.
  • ISSNak argitalpen seriatuen  barra kodeak egiteko balio dezake.
  • ISSNa ematen denean, ISSNaren nazioarteko datu-basean sartzen dira argitalpen horri buruzko datuak. Datu-base hori argitalpen seriatuei buruzko funtsezko baliabide informatiboa da, bere bolumenagatik (milioi bat erregistro baino gehiago), estalduragatik (mundu osoa) eta datuen fidagarritasunagatik.
  • Liburutegietan eta dokumentazio zentroetan, erraztu egiten ditu identifikazioa, eskuratzea eta maileguan emateko eragiketak. Bestalde, ISSNaren datu-basea da argitalpen seriatuak katalogatzeko iturri zehatzena, baita horretarako baimenduna ere.
  • Esleipena doakoa da.

ISSNak ez du zerikusirik ez argitalpenen ez izenburuen edo goiburuen jabetza eskubideekin. ISSNak ez du titularrik, eta ISSNaren datu-baseak ere ez dihardu jabetza erregistro gisa.Patenteen eta Marken Bulegoan erregistratzea da izenburuen edo goiburuen jabetza babesteko modu bakarra.

Argitalpen seriatuentzako nahitaezko legezko izapide bakarra (argitalpen guztientzat nahitaezkoa) Lege Gordailua da, eta betebehar hori argitaratzaileak bete behar du dagokion Lege Gordailuaren Bulego Probintzialean. Horregatik, ISSNaren Espainiako Zentro Nazionalak, ISSNa emateko baldintzatzat jartzen du aurretik Lege Gordailuan egin beharreko izapideak eginda edukitzea.

Zalantzarik argitu edo iradokizunik egin nahi izanez gero, bidali mezu bat helbide honetara