Liburutegi Nazionalak, bere Estatutuetan aipatzen diren helburuekin bat eginez, lankidetza jarduerak gauzatzen eta kudeatzen ditu erakunde publiko eta pribatuekin, bai estatuaren eremuan bai nazioartean.
Koordinazio eta Erakundeekiko Harremanen Arloari dagokio zeregin horren ardura. Liburutegi Nazionalak lankidetza proiektuetan eta programetan egiten dituen jarduerak sustatzea eta koordinatzea da arlo horren helburua.
Honako hauek dira nazioartean dituen funtsezko helburuak eta jarduerak:
- Liburutegi Nazionala Nazioarteko Elkarte Hispanistaren erreferentzia puntu nagusi gisa finkatzea.
- Liburutegi Nazionala Liburutegi Nazional nagusien eremuan itzal luzea izan dezan bultzatzea.
- Gure inguruko Liburutegi Nazionalen garapen teknologikoari eustea, informazio trukerako aukerarik ez galtzeko.
- Beste herrialde batzuetako liburutegiekin batera, datuen kontsultarako eta trukerako tresnak doitzeko prozesuan aurrerabidea eta hobekuntza ekar dezaketen proiektuak bideratzea.
- Erakundea sustatzea, Nazioarteko Organismoen diru laguntzen eta bestelakoen onuradun izan dadin.
- Bibliografia ondare nazionala eta espainiar kultura sustatzea, zabalkunde eta trebakuntza programen bitartez.
Katalogoa
