ABINIA

Iberoamerikako herrialdeetako liburutegi nazionalak sustatzeko iberoamerikar estatuek sortutako elkarte bat da ABINIA, eta Iberoamerikako Liburutegi Nazionalen Elkartea izenpean sortu zen, 1989ko abenduaren 14an, Mexiko Hirian. Gaur egun, nazioarteko erakunde bat da, baina hasierako erakundearen izen bera erabiltzen dute oraindik ere.

22 herrialdetako liburutegi nazionalek parte hartzen dute ABINIAn: Argentina, Bolivia, Brasil, Kolonbia, Costa Rica, Kuba, Txile, Ekuador, El Salvador, Espainia, Guatemala, Honduras, Mexiko, Nikaragua, Dominikar Errepublika, Panama, Paraguai, Peru, Portugal, Uruguai eta Venezuela. Puerto Rico 1990eko maiatzean onartu zuten elkarteko kide gisa; hain zuzen, Puerto Ricoko Unibertsitateko Río Piedras Eremuko Liburutegien Sistemaren bitartez sartu zen, liburutegi nazional gisa funtzionatzen baitu.

Iberoamerikako herrialdeetako liburutegi nazionalek osatzen dute, beraz, ABINIA. Guztion artean, kultura komunitate bat eratzen dute, eta bi hizkuntza komun partekatzen dituzte: gaztelania eta portugesa. Horrez gain, baterako interesak dituzte kultura ondareak defenditzeari dagokionez, eta baita helburu komunak lortzeari begira ahaleginak batzeari dagokionez ere.

Honako hau da gobernu arteko erakunde horren idazkaritzaren egoitzaren helbidea:
Teresa de la Parra
etxea, Foro Libertador. Caracas. Venezuela
Telefono zenbakia: 58 212 8630442
Faxa: 58 212 8630557
Posta elektronikoa

Halaber, Iberoamerikako Gobernu eta Estatu Buruen Goi Bilerako programetako bat da ABINIA. Horri buruzko informazio gehiago nahi izanez gero, jar zaitez harremanetan Iberoamerikako Lankidetzaren Idazkaritzarekin.