Europeanak aukera berriak eskaintzen ditu; izan ere, sarbide bakar batean bildu ditu artxibo, museo, liburutegi eta Europako ikus-entzunezko bildumen milioika baliabide digital.
Europeana zenbait tresna praktiko lantzen ari da, erabiltzaileek definituak, eduki guztiak ingurune eleaniztun batean esploratu eta partekatu ahal izateko. Tresna horiei esker, erabiltzaileek erraz konbinatu edo alderatu ahal izango ditu hainbat herrialdetako materialak; adibide bat ematearren, erromatar inperioari, bikingoei edota Berpizkundeari lotutako tramankulu, irudi, erregistro eta testuak aipa daitezke.
Europako Liburutegi Digitala izango da, etorkizunean, Europeana. Ahalegin handia egin behar izan dugu hura sortzeko; ezinbestekoa izan da Europako Batzordearen laguntza, zenbait proiektu bultzatu baititu eContentplus programaren bitartez, hala nola EDLproject (2008ko otsailean amaitua), EDLnet edota TELplus. Gure liburutegiak Europako Batzordeak kofinantzatutako programa horietan guztietan ere parte hartzen du, eta haiei esker garatzen da, batez ere, EUROPEANA. 2008an abiarazi genuenetik, gora egiten ari da, zenbait lankidetza proiekturi esker : Europeana V.1.,. Hain zuzen, 2009ko otsailean sortu zuten, zerbitzu operatibo bat eratzeko asmoz Europako Liburutegi Digitalaren (Europeana) funtzionamenduan eta inplementazioan azaltzen diren arazoak konpontzeko.
Catálogo
