Europako Liburutegi Nazionaletako Zuzendarien Konferentziaren (CENL) babesari esker sortu zen The European Library, eta haren helburua Europako liburutegi nazionaletako funtsetara sartu ahal izatea bultzatzea da, bilaketa sistema eleaniztun eta erkide bat erabiliz.
Une honetan, The European Library-k sarbide bakarra du Europako liburutegi nazional garrantzitsuenetako eta beste liburutegi zerbitzu batzuetako baliabide elektronikoak kontsultatzeko. Zentzu horretan, ez du soilik profesional eta ikertzaileentzako erreferentzia zentro bat izan nahi, haren helburu eta xedeen artean baitago, halaber, ahalik eta jende gehienak sarbidea izatea informazio biltegi erraldoi horretara. Espainiako Liburutegi Nazionala ia hasiera-hasieratik dago The European Library sarean, eta, gainera, 2010. urtean, elkarrekin lanean jarraitzea berretsi genuen beste bi urterako.
Espainiako Liburutegi Nazionalean, The European Library-tik aldizka jasotzen ditugun argitaratze eta komunikazio asmoak helarazten dizkiegu Espainiako informazio-profesionalei eta liburutegiei. Halaber, giltzarri diren zenbait produkturen lider gara; esate baterako, Europako liburu bikainen proiektua/erakusketa bideratzen dugu. Hala, asmo handiko edukiak prestatzen ari gara erakusketa birtual horren harira: 2010. urtearen amaierarako prestatuko dugu, eta herrialde bakoitzeko —gurea barne— TOP 100 lan digitalizatu nabarmenenak izango ditugu gurean.
Catálogo
