Aparkalekua
Liburutegiak lau aparkaleku plaza ditu erabiltzaile desgaituentzat. Goizeko ordutegian plaza bat geratzen da libre, beste hirurak liburutegiko langile desgaituek hartuta dauzkate. Arratsaldeko ordutegian denak edo haietako ugari libre egon ohi dira.
Sarrera
Mugitzeko zailtasuna duten pertsonak beheko solairutik sar daitezke BNEra, eta igogailua erabil dezakete. Pertsona batek inolako koskarik igo ezin badu, liburutegiko langile batek lagundu beharko dio.
Erakusketa aretoetara eta ekitaldi aretora sartu nahi duten pertsonak inolako koskarik pasa gabe sar daitezke beheko solairutik; han daude areto horiek. BNEren museoa bisitatzeko, igogailu bat dute -1 solairura jaisteko, hor baitago museoa.
Liburutegiak gurpildun bi aulki ditu erabilgarri beheko solairuan. Aulki horiek erabiltzeko edo liburutegiko pertsona baten laguntza eskatzeko, koskarik gabeko bidea egin nahi denean, harrerako langileengana jo behar da.
Aretoen erabilera
Mugikortasun arazoak dituzten erabiltzaileei kasuan kasuko aretoaren sarreratik eta/edo aretoko funtsak eskatzeko mahaietatik hurbileko irakurketa lekuak jar dakizkieke. Aretoko langileak irakur-mahairaino eraman ditzake eskatutako argitalpenak, beharrezkoa izanez gero.
Ikusmen desgaitasuna duten erabiltzaileak
Liburutegiko areto desberdinetan handitze lupak daude erabiltzaileen eskura. Irakurketa Areto Nagusian bi leku daude eskatutako materialak handitzeko telelupekin prestatuta.
Gainera, braillez idatzitako liburu bilduma bat eta era guztietako soinu grabazioak (audio-liburuak, adibidez) daude liburutegian, baita Hitzaren Artxiboa ere, irrati-grabazioak, hitzaldiak, etab. biltzen dituena.
Irakurtzeko edo aipaturiko euskarriak entzuteko hainbat baliabide daude: gure katalogoan beren katalogo-zenbakiarekin islatuta dauden braillezko liburuak dagokion aretoan ezarritako liburu eskaerak egiteko sistemaren bidez eska daitezke; soinu grabazio edo ikus-entzunezko materialak entzuteko, audizio kabinak daude liburutegiko Barbieri aretoan.
Urruneko zerbitzuak
Urruneko zerbitzuek erabiltzaile desgaituei liburutegia erabiltzen asko laguntzen dietela argi dugunez, erakundeak zerbitzu hauek errazten dizkie web orrialdearen bidez, Madrilgo egoitzatik urrun bizi diren erabiltzaile guztiei ere mesede eginez:
- Liburutegiko katalogo automatizatua kontsultatzea eta erregistroak esportatzea
- El Buscón baliabide plataforma elektronikoa kontsultatzea
- Aldizkako Argitalpenen Katalogo Kolektiboa kontsultatzea
- Espainiako Liburutegi eta Hemeroteken Direktorioa kontsultatzea
- Eskaerak aurrerapenez egitea
- Funtsak erreproduzitzeko eskaerak
- Liburutegi arteko mailegu eskaerak
- Kultura Jardueren Aldizkariko posta elektronikoaren bidez bidaltzeko eskaera
- Liburutegi Digital Hispanikoa
- Hemeroteka Digitala kontsultatzea
- Eskuizkribuen Inbentario Orokorra kontsultatzea
- Bibliografia Espainiarra eskuratzea
- Txartela urrunetik eskatzea
- ISSN eskatzea
- Kontsulta zerbitzua: Galde iezaguzu
- Liburutegiko areto eta zerbitzuen erakundeko helbide elektronikoak.
- Bisita gidatua eskatzea
- Erosteko iradokizunak
- Eman zure iritzia orrialdearen bidez edozein iradokizun edo iruzkin egitea
Zerbitzu hauez gain, arreta berezia behar duten pertsonek harrerako langileengana edo lanean diharduten aretoko erabiltzaileei erantzuteko arduradunarengana jo dezakete.
Catálogo
