1. WI-FI zerbitzua
Liburutegi Nazionalak irakurketa areto guztietan eskaintzen du ordenagailu eramangarrietatik Internetera sartzeko WIRELESS (WI-FI) estaldura edo haririk gabeko teknologia. Wireless zerbitzuaren bitartez, erabiltzaileak bere ordenagailu eramangarritik nahierara nabigatu ahal izango du Interneten, doan.
2. Zerbitzu hau erabiltzeko baldintzak
Ordenagailu eramangarria duen liburutegiko edozein erabiltzailek erabil dezake zerbitzu hau.
Ordenagailuek teknologia egokia badute, erabiltzaileak edozein irakurketa gunetik sartu ahal izango dira Interneten, nabigatzailea aktibatu hutsarekin.
Aukera hori ez duten ordenagailuei dagokienez, Liburutegi Nazionalak bi aukera eskaintzen ditu: BRIDGE ETHERNET eta PCMCIA plaka. Erabiltzailea lanean ari den aretoko liburuzainari eskatu ahal izango zaizkio gailu horiek.
3. WI-FI zerbitzua eskatzeko prozedura, ordenagailu eramangarriak ez badu, berez, aukera hori.
- Aretoko liburuzain arduradunarengana joan behar da, eramangarriarekin eta nortasun agiri batekin (NANa, pasaportea, gidabaimena), eta liburuzainari nortasun agiria eman behar zaio, hark gailu egokia emateko.
- PCMCIA txartela behar izanez gero, eta txartel hori eskatzen den lehenengo aldia bada, liburuzainak CD-ROM bat emango dio erabiltzaileari, dagokion softwarearekin; ordenagailu eramangarrian instalatu ondoren –liburuzaina bertan dela–, berriro ere liburuzainari itzuli beharko zaio CD-ROM hori. Zerbitzua lehen aldiz erabiltzen denean baino ez da egin behar instalazioa. Ondoren, PCMCIA plaka sartuko da. 5 minutu inguru beharko dira sistemara konektatzeko.
- BRIDGE ETHERNET gailua eskatuz gero, ez da softwarea aurretik instalatu beharko, modu automatikoan konfiguratuko baita sistema.
- Saioa amaitu ondoren, liburuzainarenagana joan, eta erabilitako gailua itzuli beharko zaio; liburuzainak, ondoren, nortasun agiria itzuliko dio erabiltzaileari.
- Zerbitzu honen erabilerari buruzko arazorik edo zalantzarik izanez gero, eskatu laguntza kontsulta aretoetako arduradunei.
OHARRAK
- Wireless (WI-FI) estaldurarako ORINOCO COMBOCARD WIRELESS NETWORKS softwarea eta PCMCIA ORINOCO 11a/b/g COMBOCARD plakak Liburutegi Nazionaleko Koordinazio Informatikoko Unitateak erosi ditu, irakurleek erabil ditzaten; beraz, bermatuta dago kalitatezkoak direla eta birusik ez dutela.
- Erabiltzaileek zerbitzu hau erabiltzen dutenean ahal bezainbesteko segurtasuna izan dezaten, liburutegiak birusen kontrako sistema bat jarri du erabiltzaileen eskura. Hala eta guztiz ere, erakunde honek ez du bere gain hartuko zerbitzu honen erabilerak erabiltzaileei edo beren informatika ekipoei eragin diezazkiekeen kalteen erantzukizunik
- Ekipoekin arazorik sortuz gero, erabiltzaileak ekipoaren egoera egiaztatu beharko du, eta Koordinazio Informatikoko Unitateak ez du bere gain hartuko ekipoak edo bertako informazioak ekipamendu horren erabileraren ondorioz izan ditzakeen kalteen erantzukizunik.