Imagen con distintos soportes en los que se ha publicado Bibliografía Española
Espainiar Bibliografiak Espainian argitaratu eta Lege Gordailuak indarrean dituen xedapenen arabera Liburutegi Nazionalean sartzen diren dokumentuen bibliografia erregistroak biltzen ditu. Bibliografia nazionalaren kontrola eramateko tresna bat da: Espainiako argitalpenen erregistroa biltzen du eta Espainiako ondare intelektual eta kulturala oraingo belaunaldien zein etorkizunekoen artean hedatzeko bideak jartzen ditu.
Espainiar Bibliografia inprimatua 1959. urtean argitaratu zen estreinakoz, urtekari moduan, eta liburu eta monografia batzu-batzuk baino ez zituen biltzen. Gerora, beste material batzuk ere bertan txertatzen joan ziren: aldizkako argitalpenak, musika inprimatua, kartografia eta bideograbazioak. 1992. urtean, bestalde, monografiak CD-ROMean ateratzen hasi ziren (1976. urterako atzera begirakoarekin). Oraindik ere argitaratzen dira, hiru hilean behingo maiztasunarekin.
Espainiar Bibliografiaren egiturak antolamendu sistematikoa dauka: bibliografia erregistroak Sailkapen Hamartar Unibertsalaren gaikako talde handitan antolatzen dira, musika inprimatua izan ezik. Talde horien barnean, erregistroak alfabetikoki ordenatzen dira, idazpuru nagusiaren arabera, eta sarbide nagusien aurkibideekin osatzen dira: egilea, izenburua, seriea, gaia, etab.
Bibliografia erregistroak deskribatzeko eta sailkatzeko, hainbat arau eta erregela hartzen dira aintzat: nazioarteko araudia, Espainiako tradizio katalografikoa, Katalogatzeko Erregelak, ISBD, Gaien idazpuruak eta Sailkapen Hamartar Unibertsala.