Aurretiazko eskari zerbitzua deritzonari esker, erabiltzaileak aukera izango du funtsen zerbitzua aurretiaz eskatzeko, eta, hala, egun jakin batean kontsultatu beharreko dokumentuak eskura izango dituela bermatzeko. Zerbitzu horretara jota, 10 aleren erreserba egin ahal izango da, gehienez ere, eta eskatutako ale horiek eskuragarri izango ditu erabiltzaileak, 15 egunez, gehienez ere.
Zerbitzu hau erabiltzeko ezinbestekoa da honako baldintza hauek betetzea:
- Liburutegi Nazionaleko erabiltzaile modura erregistratuta egotea; izan ere, sistemak identifikazio zenbaki bat eskatuko dizu (txartel edo NAN zenbakia)
- Bilaketaren emaitzan agertzen den bibliografia erregistroari atxikitako inprimakia betetzea. Beraz, eskaria egin aurretik bilaketa egin beharra dago.
Formularioa bidaltzen denean, sistemak ok automatiko bat igorriko du. Erabiltzaileak, jarraian, posta elektroniko bat jasoko du, eskaeraren izapidea hasi dela jakinarazten duena. Recoletos egoitzako funtsak gutxienez 24 ordu lehenago eskatu behar dira, eta Alcalá de Henares egoitzakoak, berriz, gutxienez 48 ordu lehenago, asteburuak eta jaiegunak kontuan hartu gabe.
Catálogo
