Saltar al menú principal
Saltar al contenido

Erabiltzaileentzako zerbitzua

AVISO: El servicio de préstamo interbibliotecario se restablece para usuarios con carné de la BNE a los que se les facilitarán reproducciones digitales de los documentos proporcionados por otras bibliotecas. Para hacer uso de este servicio no es necesario acudir a la BNE, contacte con el servicio de préstamo interbibliotecario en el correo-e: prestamo@bne.es y se lo facilitamos sin que tenga que desplazarse.

Liburutegien arteko maileguari esker, Espainiako Liburutegi Nazionaleko txartela duten erabiltzaileek Espainiako zein atzerriko beste liburutegietako dokumentuak lor ditzakete, lan originala erreproduzituz edo mailegatuz.

1. Zer eska daiteke?

Edozein dokumentu mota eska daiteke Liburutegien Arteko Maileguetarako Zerbitzuan. Hala ere, obraren liburutegi jabea da haren mailegu arauak ezartzen dituena. Eskaera egin aurretik, dokumentua Espainiako Liburutegi Nazionalean ez dagoela ziurtatu beharko du erabiltzaileak.

2. Nola egiten da eskaera?

Erraza da Liburutegien Arteko Mailegurako zerbitzuan alta eta eskaerak egitea: bidali posta elektroniko bat prestamo@bne.es helbidera. Datu hauek adierazi behar dituzu:

  • Eskatzailearen datuak: Izen-abizenak, posta helbidea, telefonoa eta BNEan indarrean duzun txartel-zenbakia.
  • Eskatzen den obraren datuak: Egilea, titulua, argitalpen-urtea, artikulua edo kapitulua eta behar dituzun orrialdeak.
  • Obra aurkitu den liburutegiaren datuak.

Espainiako Liburutegi Nazionalaren Zerbitzuen Gutunak (2018-2021) xedatzen duenaren arabera, zurekin jarriko gara harremanetan eskaera jaso eta 3 egun baliodunetan, behar dena argitzeko eta eskaeraren kudeaketaren berri emateko.

Zerbitzu hau ez da doakoa. Liburutegi hornitzaileek ezartzen dute zerbitzuaren kostua. Espainiako Liburutegi Nazionalak ez du kobratzen kudeaketagatik, baina liburutegi hornitzaileak egin duen aurrekontuan xedatutakoa kobratuko du.

Eskaera guztiak ikerketa-helburuetarako baino ez dira izapidetuko.

3. Non kontsultatzen dira argitalpenak?

Espainiako Liburutegi Nazionalean argitalpena jaso ostean, erabiltzaileak Liburutegien Arteko Maileguetarako Zerbitzuan jaso ahalko du, eta Larra Prentsa eta Aldizkarien Aretoan kontsultatu.

Jasotako edozein obra erabiltzeko, formatu originala edo erreprodukzioa izanda ere, Jabetza Intelektualari buruzko legedia jarraitu beharko da. Hura ez jarraitzeagatik egindako arau-hauste oro erabiltzailearen erantzukizuna izango da.

4. Zenbat balio du?

Liburutegi hornitzaileek ezartzen dute zerbitzuaren kostua. Espainiako Liburutegi Nazionalak ez du ezer kobratzen kudeaketa lanengatik.

Espainiako Liburutegi Nazionalak aurrekontu bat eskatuko dio liburutegi hornitzaileari eta eskatzaileari bidaliko dio ordainketa egin eta bere eskaera berretsi ahal izateko.

5. Nola ordaintzen da?

Liburutegien hornitzaileek sortutako kostua aldez aurretik ordainduko da:

  • Banku-transferentzia edo
    • Izena: “Cuenta de Ingresos por Servicios de Préstamo Interbibliotecario”
    • Kontu zenbakia: ES80 9000 0001 2 0 0200009458 (Banco de España. C/ Alcalá, 48. 28014. Madril).
    • Sarreraren identifikazioa errazteko helburuarekin, aurrekontuan agertzen den eskariaren identifikazio zenbakia adierazi beharko da, baita eskatzailearen izen-abizenak ere.(prestamo@bne.es)
  • Liburutegien Arteko Mailegurako Bulegoan kreditu- edo zordunketa zerbitzuan-txartela (Recoletoseko egoitza. Ipar nukleoko 4. solairua)