Saltar al menú principal
Saltar al contenido

Dokumentuen erreprodukzioa

Enkarguzko Dokumentuen erreprodukzio-zerbitzua gure webguneko formularioren bidez dago erabilgarri.

Jendearentzako Erreprografia eta Fotokopien Bulegoa itxita egongo da, besterik jakinarazi arte.

Ordainketak linean, txartelarekin edo banku-transferentzia bidez soilik egin daitezke.

Liburutegiak funtsak erreproduzitzeko zerbitzua eskaintzen du informazioa atzitzea errazagoa izan dadin.

Nola lortu erreprodukzioak

  • Enkarguz

BNEko funtsen kopiak formatu digitalean, paper-euskarrian, argazkian eta audio eta bideo grabazioetan.

Pauso hauei jarraitu behar zaie:

1. Erreprodukzioa eskatu webguneko formularioaren bitartez.

Hamar eskabide (signatura) egin daitezke gehienez eskaera bakoitzeko. Eskatzaileak posta elektroniko bidez (PDF formatuan) jasoko ditu egindako eskaeraren datuak eta eskaera-zenbakia, eta azken hori geroko erreferentzietarako gorde beharko du.

2. Liburutegiak aurrekontua bidaliko du

Aurrekontua eskaera jaso eta gehienez 10 egun balioduneko epean emango da.
Eskaera egiteko formularioan ahal beste datu eman behar dira. Dena dela, BNEren Zerbitzu Kartan azaltzen diren epeak ez dira kontatzen hasiko BNEk bai eskatzailea bai erreproduzitzea/erabilera publikoa eskatzen den obra edo horren zati zehatza identifikatzeko nahiko datu ez duen bitartean.

Zenbatekoa ordaindu denean, eskatzaileak posta elektroniko bat jasoko du egindako ordainketaren egiaztagiriarekin, eta dokumentuen erreprodukzioari ekingo zaio.

3. Liburutegiak erreprodukzioak emango ditu ordainketa egiaztatu eta gehienez ere 20 egun balioduneko epean, formularioan eskaintzen diren bitartekoetatik (eskura, posta ziurtatua edo deskarga digitala) eskatzaileak hautatutakoa erabilita. Ahal den neurrian, deskarga digitala bultzatuko da entrega egiteko modu gisa.

Behin erreprodukzioa burutu denean, eskatzaileak posta elektroniko bat jasoko du entrega egiteko aukeratu duen moduari buruzko informazioarekin.
 

 

  • Autozerbitzua

Erreprodukzio zuzenak, 1958tik ondorengo liburu baten edo urte horretatik ondorengo aldizkako argitalpenen artikulu osoaren % 20, baldin eta egoera onean badago eta Espainiako Liburutegi Nazionalaren funtsaren zati bada. Kopia gehiago egiteko nahiz 1959tik aurreko dokumentua kopiatzeko, enkarguz eskatu beharko da erreprodukzioa, gure webguneko formularioaren bitartez.

Pauso hauei jarraitu behar zaie:

1. Kontu bat sortu ordenagailuetatik Liburutegiko erabiltzaileentzat.
Erabiltzaile bakoitzak bere kontua du, eta norberak kudeatzen eta ikusten du kontuan burututako jarduerari buruzko informazioa.

2. Kontuan saldoa kargatu.
Ordainlekuetako batean identifikatu behar da horretarako (2. solairuko Erreprografia Bulegoan, Irakurketa-gela Nagusiaren alboan, eta 4. solairuko Prentsa eta Aldizkarien Aretoan daude), eta nahi den zenbatekoa zehaztu.

3. Erreprodukzioak egin funtzio anitzeko ekipamenduetan.
Ekipamenduak 2. solairuko Erreprografia Bulegoan eta Liburutegiko kontsulta-geletan daude. Aukera hauek dituzte:
- zuri-beltzeko fotokopiak
- koloretako fotokopiak
- hainbat bereizmen eta formatutan eskaneatzea, USB gailu batean gordetzeko

 

- Paperezko kopiak, mikrofilmetik edo euskarri digitaletik abiatuta.

 

Informazio praktikoa

  • Jendearentzako Erreprografia eta Fotokopien Bulegoa itxita egongo da, besterik jakinarazi arte.

    Ordainketak linean, txartelarekin edo banku-transferentzia bidez soilik egin daitezke.

  • Espainiako Liburutegi Nazionala
    Publikoarentzako Erreprografia Zerbitzua
    Paseo de Recoletos, 20
    28071. Madril (Espainia)

     

  • Eskaeraren prozedurari buruzko informazio orokorra:

    (+34) 91 580 77 57 / (+34) 91 580 78 91 

    info.repro@bne.es

     

    Izapideak eta fakturatutako eskaeren segimendua:

    (+34) 91 580 78 91 / (+34) 91 580 77 57

    oficina.reprografia@bne.es