Espainiako Liburutegi Nazionalak Biblioteca Nacional de España: 300 años haciendo historia, [Espainiako Liburutegi Nazionala, 300 urte historia eginez] erakusketa antolatzen du, Acción Cultural Española erakundearekin batera. BNE herrialdeko kultura instituziorik enblematikoenetarikoa izateaz gain, garai berrietan eta oraingo erronketan hoberen moldatu dena ere bada.
Erakusketaren helburua BNEk izan duen ibilbidean, erronkaz, aldaketaz eta iraultzaz beteriko 300 urte aberats hauetan, sakontzea da, era berean haren bildumen aberastasuna eta funtzionamenduaren gora beherak erakutsi nahi dira.
José Manuel Lucía Megíasen (Madrilgo Complutense Unibertsitateko Filologia Erromanikoko Katedraduna) zuzendaritzapean, erakusketa lau atal nagusitan eratzen da: Espainiako Liburutegi Nazionalaren historia; Teknologia informazio eta jakintzaren zerbitzuan; Espainiako Liburutegi Nazionala barrutik eta Espainiako Liburutegi Nazionalaren 300 urteak: denboraren lerroa.
Lehen atalean historiari ekiten zaio, Felipe V.aren eskutik sortu zenetik gaur egunera arte.
Bigarren atalean instituzioa aurrerapen teknologikoetara nola moldatu den erakusten da, Liburutegia ulertzeko moduetan iraultza bat eginez, bere garaian idazketa, argazkigintza edo soinuaren gordetze eta erreproduzitzeko teknologiekin gertatu zen bezalaxe.
Hirugarren atalean BNEren bildumak zabaldu eta betetzeko bideak erakusten dira, gordetzeko arazoak gainditzeko egiten diren lan teknikoak eta hartzen diren erabakiak ere bai.
Azken atalean BNEren 300 urte hauetako kronologia birpasatzen da, une gogoangarrienetan arreta jarriz.
Aukera aparta da instituzioak gordetzen dituen lanik hoberenez gozatzeko, esparru berean: kodizeak, inkunableak, liburuak, marrazkiak, irudiak, mapak, argazkiak, partiturak, autografoak, ex librisak, kromoak, kartelak... Esaterako Leonardo Da Vinci, Beato de Liébana edo Petrarcaren eskuizkribuak, Velázquez, Goya eta Fortunyren irudiak, Goya, Durero, Rembrandt edo Picassoren grabatuak eta El Quijote liburuaren lehen argitalpena.
Zure bisita planifikatzeko, erakusketaren aplikazioa Biblioteca Nacional de España: 300 años haciendo historia [Espainiako Liburutegi Nazionala, 300 urte historia eginez] deskargatu ahal duzu, dohainik, App Store eta Android Market-etik.Barruan erakusketaren planoa, argazkiak, testuak, bideoa eta hainbat funtzionalitate dakartza; horien bidez erabiltzaileari erakusketara modu birtual batean hurbiltzeko aukera ematen zaio. BNEren funtsaren 50 lan esanguratsuenetan, haren historian eta beste gauza askotan sar zaitezke.
Catálogo
