Emaitzaren bitartez, edonork, pertsona fisikoa izan pertsona juridikoa izan, lagun dezake Liburutegi Nazionalaren gordailua osatzen duen dokumentu multzoa hobetzen eta aberasten. Gizartearen parte-hartze horri esker, kultura ondarea gordeko dela ziurtatzen da, eta orobat ziurtatzen da gure ondorengoek bilduma aberats eta osoagoa izango dutela.
Emaileek berea den edonolako material bibliografikoa eman dezakete, berria nahiz antzinakoa, ale bereziak edo liburutegi antolatuak, edo bestela, diruz lagundu dezakete, pertsona juridikoek bereziki, Liburutegian ez dauden eta interes berezia duten jatorrizko lanak erosteko.
Liburutegi Nazionalarentzat bereziki interesgarria da bere funtsetan gordeta ez dituen eta espainiar eta iberoamerikar zibilizazioei buruz diharduten eta Espainiatik kanpo inprimatuak edo sortuak diren dokumentuak jasotzea, edonolako euskarrietan, Espainiarekin lotura badute, eta baita bere bildumaren izaerara egokitzen den beste edozein dokumentu jasotzea ere.
Aitzitik, ez dute interesik Liburutegian badauden jatorrizko lan osoen ale fotokopiatuek, liburuen kapituluek edo aldizkarietako artikuluek, CDan egindako autoedizioek, eta Espainian inprimatu edo sortutako liburuek edo dokumentuek, Legezko Gordailuaren araudiari esker sartuta baitaude horiek Liburutegian.
Emaitza egin aurretik, egin ezazu proposamena dagokion idatzi eredua
betez, eta gelditu Liburutegiaren erantzuna jaso zain, ahal bezain bizkorren jasoko duzu-eta.
Liburutegi Nazionalean sartzen diren emaitzek Espainiako Ondarea osatzen dute, eta emaileek, berriz, dagokien zerga arindu ahal izango dute, indarrean den araudiak ezarritako kasuetan.
Erregularki, Estatu Batuetako, Alemaniako eta Belgikako argitalpen ofizialak jasotzen dira, nazioarteko hainbat akordiok diotena betez, Liburutegia zabaltzeko eta erabiltzen errazagoa izan dadin laguntzeko.
Emaitzei buruzko kontsultarik egin edo argibiderik eskatu nahi izanez gero, bidal ezazu mezu bat helbide honetara:
Helbide elektronikoa