Adquisiciones

A Biblioteca Nacional de España é o principal centro informativo e documental sobre a cultura escrita española e hispanoamericana, por ser a institución depositaria das publicacións impresas no territorio español dende comezos do século XVIII, posteriormente regulado no depósito legal.

Na actualidade, ingresa por este procedemento un número variable de exemplares de todo tipo de materiais bibliográficos producidos en España. Desta forma, asegúrase a recompilación da edición nacional, a súa difusión a través de Bibliografía Española, a súa consulta e conservación.

Outros procedementos para enriquecer a colección bibliográfica son a compra, o troco, os donativos e os legados. Con eles, procúrase completar lagoas e manter actualizada a información referencial de interese para a Biblioteca Nacional e os investigadores.

Abranguen as compras de fondos tanto obras actuais editadas no estranxeiro sobre a cultura hispana como libros e documentos do patrimonio bibliográfico español que non posúe a Biblioteca Nacional.

Ademais, a través do troco internacional recíbense:

Publicacións oficiais dos países cos que España subscribiu convenios internacionais.
Libros e revistas de países cos que existen acordos culturais intergobernamentais.
Atención especial merecen as doazóns e os legados de documentos que tradicionalmente recibiu a Biblioteca Nacional grazas á xenerosidade de escritores, bibliófilos, cidadáns e institucións interesadas en completar as coleccións da Biblioteca Nacional, a prol da conservación e difusión do patrimonio bibliográfico español.