Liburutegi Nazionala ezagutzeko aukera bat baino gehiago dago:
• Jendearentzako Bisita Zerbitzua (esp). Asteazken eta ostiral arratsaldetan, bisita gidatuak egiten dira, Liburutegi Nazionalaren zerbitzuen nondik norakoak eta bildumak ezagutarazteko. Lehenik eta behin, Liburutegiko Museoa ikusiko dute, eta amaitzeko, Liburutegiko areto nagusietan barna ibiliko dira. Gutxi gorabehera 90 minutu iraungo du bisitak..
Egunak: asteazkenetan (taldeentzako) eta ostiraletan (banakako bisitak, 30 pertsonako taldeak osatu arte), 17:00etan.
Informazio gehiago eskuratzeko: Liburutegi Nazionaleko Museoko zerbitzua: helbide elektronikoa. Telefono zenbakiak: 91 580 77 59 eta 91 516 89 67; Faxa: 91 5168928.
• Talde berezientzako bisitak. Liburuzaintzaren edo artxibozaintzaren zein dokumentazioaren arloko profesionalentzat aproposa; eta baita unibertsitateko ikasle taldeentzat ere, bereziki, humanitateen arloarekin lotura dutenentzat. Aldez aurretik hala eskatuta, era berezian antolatzen dira bisitak, eskatzailearen premien arabera eta Liburutegi Nazionalaren aukeren arabera.
Informazio gehiago eskuratzeko: Hedapen Zerbitzua (Talde berezientzako bisitak direla zehaztuz): difusion@bne.es Telefono zenbakia: 91 5807894; Faxa: 91 5807733.
• Ateak Zabalik Jardunaldiak. Urtero-urtero egiten dira, Liburuaren Egunaren harira (apirilaren 23an). Aldez aurretik egun zehatzaren berri emango da, eta era berean, ibilbidea, ordutegia eta sarbidea zehaztuko dira.