Bibliotekonomia

BIBLIOTEKONOMIA BILDUMA

1. Bildumaren historia

Bilduma espezializatu hori 1950ean sortu zen. Artxiboen eta Liburutegien Zuzendaritza Nagusiak urte hartan antolatu zituen Artxibozainen, Liburuzainen eta Arkeologoen Prestakuntza Teknikoko Ikastaroak, eta ikasketa-liburutegi bat eratu zen ikasleek eta irakasleek erabiltzeko. Ikastaro horiek geroago finkatu ziren eta Dokumentalista Eskola bat sortu zen. Eskolak 20 urte baino gehiago iraun zuen, izen desberdinekin. 1986an itxi zuten, bibliotekonomia eta dokumentazio ikasketak instituzionalizatu eta Unibertsitateetara igaro zirenean.

Kultura Ministerioa sortu zenean, zenbait liburutegi espezializatuk zituzten zentro batzuk berregituratu egin ziren, eta Eskola zaharraren liburutegikoei gehitu zitzaizkien; orduan, Liburuaren eta Irakurketaren Zentroaren ardurapean egotera pasatu zen eta Liburuzainen Liburutegi izenarekin hasi zen lanean, 1988tik 1991ra.

1992an Espainiako Liburutegi Nazionalera igaro zen, Organismo Autonomo gisa osatu zenean, eta, orduan, Informazio Bibliografikoko Zerbitzuko bibliotekonomia-funtsak gehitu zitzaizkion: liburutegi espezializatu horri Liburutegiko Dokumentazio Zerbitzua deitu zioten.

Gaur egun Informazio Bibliografikoko Zerbitzuaren unitate bat da, Aipatutako Departamentuaren barruan dago eta kontsulta-areto propioa dauka.

2. Funtsak

Bibliotekonomian, Dokumentazioan, Artxibozaintzan eta Museologian espezializatutako bilduma bat da, eta, horrez gain, diziplina horiekin estuki lotuta dauden arloetan ere espezializatuta dago, adibidez, liburuaren Historia eta Informazioaren Teknologia Berriak. 

1. Monografiak. Kopiak eta erabiltzen ez diren materialak Espainiako Liburutegi Nazionaleko bigarren gordailura eraman dira, Alcalá de Henaresera, alegia. Jasotako azken nobedadeak ezagutzera emateko, Nobedadeen Buletin bat landu zen, eta, bertan, azken hilabeteetan sartu diren Bibliotekonomiari buruzko lanen informazio bibliografikora sartzeko aukera ematen da. Erregistro horietako askok azal digitalizatua eta lanaren laburpena barne hartzen dituzte.
2. Liburuxkak.
3. Aldizkako Argitalpenak. Bost hizkuntzatan argitaratu diren eta bizirik dirauten 180 aldizkari. Aldizkari horietako batzuk paperean kontsultatzen dira oraindik; beste batzuk, aldiz, edizio elektronikoan kontsultatu behar dira. Aldizkari elektronikoen testu osora sartu hemen: El Buscón edo, bestela, zerrenda hauen bidez: doako aldizkari elektronikoak eta: harpidetutako aldizkari elektronikoak. Doako aldizkari elektronikoak edozein ordenagailuren bidez kontsulta daitezke; harpidetutako aldizkari elektronikoak, ordea, BNEren ordenagailuen bidez kontsultatu behar dira. Oraindik paperean jasotzen diren aldizkarien edukiak zabaltzeko, AL Dia Laburpenen Buletina lantzen da.

Bildumari buruzko Bibliografia

• PÉREZ FRÍAS, Emiliano. "Servicio de Documentación Bibliotecaria ("Biblioteca del Bibliotecario")" [Elkarrizketaren egilea: Benjamín Cabaleiro]". Hemen: Educación y Biblioteca. (1996), zk. 68; orr. 44-47.
• "Servicio de Documentación Bibliotecaria". Hemen: Educación y Biblioteca. (1993), zk. 37; orr. 12-13.
• "Servicio de Documentación Bibliotecaria (SDB o Biblioteca del Bibliotecario)"/ Raúl Rubalcaba Banco... [et al.] Hemen: Documentación de las Ciencias de la Información. (1998), zk. 21; orr. 196-199.