Gaur egun, edozein ikerketarako ezinbestekoak diren informazio iturriak kontsulta daitezke Internet bidez. Interneten eskura dauden informazio iturri nagusien artean daude liburutegi handien katalogoak, eta horiei gehitu zaizkie garrantzizko hainbat bibliografia, direktorio eta erakunde. Bibliografia erregistroez gainera, liburutegi birtualetan testu osoak kontsultatu eta irakur daitezke. Gure erabiltzaile internautek Interneten egiten dituzten kontsultak errazteko, hainbat web atari hautatu dira, eta tipologiaren eta gaiaren arabera sailkatu.
Gai jakin baterako lehenengo hurbilpena egiteko, bilaketak aurkibideetan edo direktorioetan hastea komeni da. Ondo indexatutako orrialdeak dira, gai horri buruz Interneten dauden informazio iturriak ezagutzeko baliagarriak. Hona hemen baliabide erabilgarrien direktorio batzuk:
- Googleko direktorioa
- SOSIG: Science Information Gateway
- BUBL Link catalogue of internet resources
- The WWW Virtual Library, gai batean adituak diren boluntarioen elkartea, beren jakintza arloari buruzko baliabide elektronikoen zerrendak osatzen dituena.
Unibertsitateetako liburutegiek ere egiten dituzte baliabide elektronikoen gaikako zerrenda hautatuak, hala nola Universidad Complutense edo Universidad Autónoma de Madrid unibertsitateetako liburutegiek.