Catálogo Colectivo de Fondos Musicais do Século XIX
Este catálogo colectivo ten como obxectivo o inventario, descrición e localización do patrimonio bibliográfico musical conservado nas bibliotecas nacionais iberoamericanas.
A súa orixe débese ao proxecto presentado na Asemblea de ABINIA, que tivo lugar en Guatemala o ano 2002.
Os países que manifestaron o seu desexo de participar nesta primeira etapa foron: Bolivia, Chile, Cuba, España, México, Perú, República Dominicana e Venezuela.
Contido:
Ofrécense neste momento máis de 15.000 obras e, aproximadamente, 25.000 exemplares, procedentes maioritariamente da Biblioteca Nacional de España, como primeira achega para o catálogo colectivo.
Tipoloxía do fondo:
Partituras (música práctica) publicadas, ou producidas, durante o século XIX, tanto impresas como manuscritas. Dada a forma de difusión da música, é frecuente que de moitas obras se conservasen soamente os papeis para a execución ou as copias entregadas para a protección de dereitos.
Monografías de tema musical. Incluíndo suplementos musicais, integrados en monografías dedicadas a outros temas ou en publicacións periódicas xerais.
Edicións facsímiles, incluídas as propias partituras que, loxicamente, constitúen o contido fundamental do catálogo.
Características da colección:
Inclúe todos os xéneros: música teatral (zarzuela e ópera), relixiosa, militar, música instrumental, especialmente a de salón (valses, polcas, mazurcas etc.), moi abundante no período seleccionado.