ISSNren Espainiako Zentro Nazionala
ISSNa (International Standard Serial Number / Argitalpen Seriatuen Nazioarteko Zenbaki Normalizatua) argitalpen seriatuak (aldizkariak, egunkariak, buletinak, urtekariak, monografia sailak…) identifikatzeko erabiltzen den nazioarteko kodea da.
Espainia 1978. urteaz gerotik da ISSN Sareko kide. Urte hartan bertan sortu zuten ISSNaren Espainiako Zentro Nazionala, gaur egun Liburutegi Nazionalaren Bibliografia Kontrolaren Departamentuan sartua dena. Liburutegi Nazionalean dagoen ISSNaren Espainiako Zentro Nazionala da Espainian editatuko argitalpen seriatuei ISSNa esleitzeko ardura duen erakunde bakarra.
ISSNaren eskaria
Izapide hau doakoa da.
Urriaren 29ko 1405/2007 EDari jarraiki, Katalunian errotuta dauden eta argitalpenak egiteaz arduratzen diren enpresek eta erakundeek Kataluniako Liburutegira zuzendu beharko dira.
Nola atera ISSN
Argitalpen seriatua inprimatutako euskarriarekin
Badago
- Bete eskaera orria eta bidali posta bidez helbide honetara:
Centro Nacional Español del ISSN
Biblioteca Nacional de España
Paseo de Recoletos, 20
28071-Madril - Horrez gain, bidali lehen zenbakiaren edo faszikuluaren alea (edo, horren ordez, azalaren eta argitaletxearen datuak dakartzan orriaren kopia), baita azken alea ere.
Oraindik ez da argitaratu
- Bete eskaera orria eta bidali webgunearen bidez
- Erantsi argitalpenaren inprimaketa-proba: azalaren eta/edo gainazalaren kopia, argitaletxearen datuak dakartzan orriaren kopia eta Lege Gordailuaren zenbakiaren jakinarazpenaren kopia
Webguneko argitalpen seriatua
- Bete eskaera orria eta bidali webgunearen bidez
Eskaera egiten den unean funtzionatzen duen edukidun helbide elektronikoa (URL) duten argitalpen seriatuei bakarrik esleituko zaie ISSNa.
Kasu guztietan, argitalpena zuzen identifikatze aldera, ezinbestekoa izango da ataletako batean argi eta garbi adieraztea non argitaratu den eta zein den argitalpenaren erakunde eta/edo argitaratzaile arduraduna.
Lege Gordailu zenbakia derrigorrezko izapidea da edozein euskarritan egindako argitalpenetarako, webguneko argitalpen seriatuen kasuan izan ezik. Hura izapidetzeaz argitalpenaren editorea arduratuko da.
Dokumentuak eta interesgarriak diren estekak