ISOren zenbaki estandar global egiaztatua da ISNI, edozein motatako obra intelektualak sortzen eta banatzen esku hartzen duten egile pertsonal zein korporatiboak identifikatzeko. Egileok, besteak beste, ikerlariak, asmatzaileak, idazleak, artistak, ikusmenezko sortzaileak, interpreteak, ekoizleak eta argitaratzaileak izan daitezke. Obra-identifikatzaileak, grabazioak, produktuak nahiz edukien titularrak jasotzen dituzten nazioarteko identifikatzaile estandarizatuen familiakoa da, edozein errepertoriotakoak, besteak beste: DOI, ISAN, ISBN, ISRC, ISSN, ISTC e ISWC.

ISNI International Authority (ISNI-IA) erakundearen helburua da ikertzailearen, asmatzailearen eta abarren izen publikoari/publikoei identifikazio-zenbaki bakar eta iraunkorra esleitzea, bilaketan izen-anbiguotasun arazorik egon ez dadin, bai eta mundu osoko errepertorioei esleitutako ISNIa zabaltzea ere, argitaratzen den obra bakoitza argi eta garbi bere sortzaileari eratxiki dakion.

ISNI bat eskatu

Nola lor dezaket ISNI bat?

Helbide honetara idatzita: isni@bne.es

Nork eska diezaioke ISNI bat BNEari?

Espainiako Liburutegi Nazionalak ISNI zenbakien eskaerak izapidetzen ditu gutxienez baldintza hauetako bat betetzen duten egile nahiz entitateetarako:

• Espainian lan egiten duten egile edo entitate espainiarrak
• BNEaren katalogoan dauden egileak edo entitateak.

Zer behar da ISNI bat lortzeko?

Identitate publikoak metadatu-elementu hauekin identifikatzen dira:

• Identitate publikoaren izena.
• Jaiotza eta/edo heriotzaren data eta tokia (legezko erakundeen kasuan, erregistratu eta desegitearena).
• Kategoriak eta funtzioak, ISNIren Registration Agency (Erregistro Agentzia, RA) erakundeak ezarritako definizioaren arabera. Kategoriek jarduera-talde handiak definitzen dituzte: musika, ikus-entzunezkoak, testuak, arte lanak, koreografia eta softwarea. Eta funtzioak, hau da, kategoria horietako bakoitzean egiten den lana; autorea, interpretea, editorea, ilustratzailea eta abar izan daiteke.
• Sortutakoaren erreferentziazko titulua.
• Lotura duen pertsona edo erakunde baten (unibertsitatea, argitaletxea...) izena.
• URI (edo URL) bat, identitateari buruz informazio gehiago eskainiko duen esteka duena.