Bilduma espezializatu hori 1950ean sortu zen. Artxiboen eta Liburutegien Zuzendaritza Nagusiak urte hartan antolatu zituen Artxibozainen, Liburuzainen eta Arkeologoen Prestakuntza Teknikoko Ikastaroak, eta ikasketa-liburutegi bat eratu zen ikasleek eta irakasleek erabiltzeko. Ikastaro horiek geroago finkatu ziren eta Dokumentalista Eskola bat sortu zen. Eskolak 20 urte baino gehiago iraun zuen, izen desberdinekin. 1986an itxi zuten, bibliotekonomia eta dokumentazio ikasketak instituzionalizatu eta Unibertsitateetara igaro zirenean.

Kultura Ministerioa sortu zenean, zenbait liburutegi espezializatuk zituzten zentro batzuk berregituratu egin ziren, eta Eskola zaharraren liburutegikoei gehitu zitzaizkien; orduan, Liburuaren eta Irakurketaren Zentroaren ardurapean egotera pasatu zen eta Liburuzainen Liburutegi izenarekin hasi zen lanean, 1988tik 1991ra.

1992an Espainiako Liburutegi Nazionalera igaro zen, Organismo Autonomo gisa osatu zenean, eta, orduan, Informazio Bibliografikoko Zerbitzuko bibliotekonomia-funtsak gehitu zitzaizkion: liburutegi espezializatu horri Liburutegiko Dokumentazio Zerbitzua deitu zioten.

Gaur egun Informazio Bibliografikoko Zerbitzuaren unitate bat da, Aipatutako Departamentuaren barruan dago eta kontsulta-areto propioa dauka.

Funtsak

Monografiak

Azken berriak zabaltzeko, hiru hilabetez behin Informazioaren hedapen selektiboaren buletina egiten da, jasotako monografiak biltzen dituena, baita aldizkarietan hautatu ditugun hainbat artikulu eta artikulu horien laburpen batzuk ere. Aipatu laburpenak Bibliotekonomia Blog-ean ere argitaratzen dira. Material zaharkituak eta erabiltzen ez direnak Espainiako Liburutegi Nazionalaren bigarren gordailura eramaten dira, Alcalá de Henaresera, eta aurrez eskaera eginda kontsulta daitezke Gela Nagusian.

Aldizkako Argitalpenak

Aldizkari espezializatuak, nazionalak eta nazioartekoak, paperean edo formatu elektronikoan. Online dauden aldizkari elektronikoetako testu osoa zerrenda hauetan ikus daiteke: doako aldizkari elektronikoak eta harpidetutako aldizkari elektronikoak. Doako aldizkari elektronikoak edozein ordenagailutatik kontsulta daitezke, eta harpidetutakoak, berriz, BNEaren ordenagailuetatik. Nazioarteko paperezko aldizkariak Gelan egongo dira azken hiru urtetako argitalpenak badira, eta aurreragokoak Prentsa eta Aldizkarien Gelan daude.

Oposiziogileentzako materiala

Artxibategi, Museo eta Liburutegietan lan egiteko oposizio guztietarako gai-zerrendak daude, monografiak ariketa praktikoetarako, legeria, hainbat deialditan egindako azterketen adibideak, bibliografia espezializatuak eta oposiziogilearen Gida bat.

Nola kontsultatu gela honetako funtsak

Gelara sartzeko ikertzaile, irakurle edo liburutegi-dokumentazioaren txartela izan behar da.

Kontsulta libreko funtsak: bilduma osoa gelako apalategietan dago eta kontsultatzea librea da.

Liburutegiko dokumentazioaren bilduma etxera mailegatzea: 3 ale eraman ditzakezu etxera 10 egunetan zehar, eta mailegua 2 aldiz berritu dezakezu 10 egunez aldi bakoitzean. Berritzeak liburutegian bertan eska daitezke, baita telefonoz edo posta elektroniko bidez ere. Beste erabiltzaile batzuk maileguan dituzten aleak erreserbatzeko aukera ere bada.