Centro Nacional Español do ISSN
O ISSN (International Standard Serial Number / Número Internacional Normalizado de Publicacións Seriadas) é o código internacional de identificación das publicacións seriadas (revistas, xornais, boletíns, anuarios, series de monografías...).
España forma parte da rede ISSN dende 1978, ano en que se creou o Centro Nacional Español do ISSN, actualmente integrado no Departamento de Control Bibliográfico da Biblioteca Nacional. O Centro Nacional Español do ISSN, que se atopa na Biblioteca Nacional, é a única instancia responsable da asignación de ISSN para as publicacións seriadas editadas en España.
Solicitude do ISSN
Este trámite é gratuíto.
En virtude do RD 1405/2007, do 29 de outubro, as empresas e entidades editoras radicadas en Catalunya deberán dirixirse á Biblioteca de Catalunya
Como obter o ISSN
Publicación seriada en soporte impreso
Xa existente
- Completar formulario de solicitude e enviar por correo postal ao enderezo:
Centro Nacional Español do ISSN
Biblioteca Nacional de España
Paseo de Recoletos, 20
28071-Madrid - Enviar, ademais, o exemplar do primeiro número ou fascículo (ou no seu defecto a fotocopia de portada e a páxina de datos editoriais) e un exemplar do número máis recente.
Aínda non editada
- Completar formulario de solicitude e enviar via web
Formulario de solicitude
- Anexar proba de imprenta da publicación: copia da portada e/ou cuberta, copia da páxina de datos editoriais e copia da comunicación do número de Depósito Legal
Publicación seriada en liña
- Completar formulario de solicitude e enviar vía web
Só se asignará o ISSN a publicacións seriadas con contido cuxo enderezo electrónico (URL) estea operativo no momento de facer a solicitude.
En todos os casos, é necesario para a correcta identificación da publicación que figure claramente indicado nalgún apartado desta o lugar de edición e a entidade e/ou editor responsable da devandita edición.
O número de Depósito Legal é un trámite obrigatorio para calquera tipo de soporte, agás para as publicacións seriadas en liña. A súa tramitación corre á conta do editor da publicación.
Documentos / Enlaces de interese