Que é?

O labor do troco consiste no intercambio de obras, independentemente do seu soporte documental, con outras bibliotecas e institucións culturais e de investigación pertencentes ao ámbito internacional.

O troco é unha das vías de ingreso e incremento dos fondos documentais na Biblioteca Nacional de España (BNE) xunto co donativo, a compra e o depósito legal. É unha parte esencial na política de adquisicións da institución, que vén a contribuír ao enriquecemento do patrimonio bibliográfico español e á difusión da cultura española no mundo.

Básica e esencialmente, mediante esta forma de ingreso, a Biblioteca Nacional consegue recompilar, dun xeito gratuíto, obras que fan referencia á cultura española e iberoamericana en todos os seus aspectos e que non figuran nos fondos da BNE, así como a produción de autores españois no estranxeiro.

Operación

En concreto, na Biblioteca Nacional, o fluxo de traballo do troco vén a desenvolverse a través de dúas vías:

• Entrada de documentos: preselección de listas enviadas por institucións, principalmente por correo electrónico.
• Saída do documento: as institucións realizan unha selección entre dúas listas elaboradas pola biblioteca:
  • Unha con publicacións editadas ou na que participa a propia BNE.
  • Outra con obras duplicadas editadas por institucións públicas.