Bildumaren Historia

Bilduma hau 1966ko azaroaren 23an sortu zen, Tomás García Figuerasen liburutegi pribatuaren dohaintza zela eta.

Tomás García Figueras, espainiar afrikanista, Indigenen Arazoetarako Delegatua izan zen Marokon. Hasierako kopuruari Liburutegi Nazionaleko Gordailu Nagusian zeuden Afrikari eta Arabiari buruzko funtsak gehitu zitzaizkion, haien artean dohaintza garrantzizkoak zeudelarik: Bermejo, Roda, Gregori, Fernández Cortacero, Gudin, e.a... Geroago, 1979an, Maroko eta Kolonietako Zuzendaritza Orokorraren liburutegia erantsi zitzaion (Juan Fontán Lobéren legatu sahariar garrantzitsuaren funtsak, nabarmena batez ere Gineari buruzko dokumentazioagatik) eta 1987an Emilio Bonelli eta García Morenteren liburutegi pribatuak, horiekin batera Emilio Bonelli Hernando esploratzailearen liburutegia eta Juan María Bonelli i Rubiórena, ingeniaria, geografoa eta Gineako Gobernadore Orokorra. Kontsulta gela publikoari itxi zitzaion 1989ko urtarrilaren 9an eta funtsak Liburutegi Nazionaleko zenbait gordailutara itzuli ziren, bakoitzaren edukiaren arabera.

Funtsak

Afrikan eta oro har mundu arabiarrean espezializatutako funtsa da, Espainiak Marokon zeukan Protektoratuarena bereziki. Gune tematiko garrantzitsuena Maroko, Sahara, Ginea eta, oro har, Afrikako Iparraldeari dagokio. Gure Katalogo Automatizatuan kontsulta ditzakezu.

Hauexek dira funtsak:

• Monografiak eta kontsulta lanak
  Saila itxi zenean 21.865 liburu. Bibliografiak, kontsulta lanak eta erreferentzia bereziko liburuak barne, eta liburutegietako katalogoak, artxibategiak eta herrialde horien historia aztertzeko iturrien gidak. Kodeak: AFR eta AFRGFª (Irakur Areto Nagusia)
• Liburuxkak
  30.000 ale ingurua, 881 kutxatan: atzerriko aldizkarien separatak, txosten mekanografiatuak eta lan txikiak. Kodeak: AfrCª eta AFRGFCª/ (Irakur Areto Nagusia)
• Argitalpen Txikiak
  700 ale, kutxatan gordeak: egutegiak eta liburuxka turistikoak, gehien bat.
• Aldizkako Argitalpenak
  2.000 izenburu baino gehiago: Espainiako eta atzerriko aldizkari espezializatuak; Sahara Sustatzeko Zuzendaritza Orokorraren Boletinak eta Protektoratuko Boletin Ofizialak. BNko aldizkako argitalpenen bilduman sartzen dira (Aldizkako Argitalpenen Aretoa)
• Denetarik
  636 liburu: egunkari zatiak, beste liburutegietako eta artxibategietako eskuizkribu eta agirien kopiak. (Irakur Areto Nagusia)
• Eskuizkribuak
  Gehienak garaikideak dira: Raisuniren gutunak, Tomás eta Vicente García Figueras anaien, Guillermo Rittwagen eta Juan Fontán Lobéren artxibategi pertsonalak. Kodeak: AfrGFªDoc (Cervantes Aretoa)
• Argazkiak
  100.000 agiri inguru, positibo eta negatiboen artean, García Figuerasen legatuari eta Maroko eta Kolonietako Zuzendaritza Orokorraren Liburutegiari dagozkienak. (Goya Aretoa)
• Postalak
  3.000 postal baino gehiago, ia guztiak García Figuerasi zuzenduak eta lekuaren arabera sailkatuak. (Kartografia. Goya Aretoa)
• Kartografia
  2.500 mapa fisiko, geografiko, politiko eta turistiko, 1900 eta 1960 bitartean Armadako Geografia Zerbitzuak, Mendebaldeko Afrika Espainiarreko Geologia Zerbitzuak eta Geologia eta Meatzetarako Institutuak osatuak eta Sahara Espainiarreko Gobernu Orokorrak, Indigenen Arazoetarako Delegaritzak edo Geografia Errege-Elkarteak argitaratuak. (Kodeak: AFRMPS; Goya Aretoa)
• Marrazkiak, Grabatuak eta Estanpak
  847 pieza, jatorrizkoen eta erreprodukzioen artean, Mariano Bertuchi, Carlos Gallegos, Teodoro Miciano, Enrique Segura, Tauler, eta abarren eskutik bilduak. Grabatuen ia atal osoa XIX. mendekoa da; marrazkiak, berriz, XX. mendekoak dira gehienak. Kodeak AFRGFB/ (Goya Aretoa)