A BNE garda unha destacada colección duns 2500 códices medievais, dos cales un terzo aproximadamente conteñen algún tipo de decoración iluminada. Unha característica destacada da colección é a gran variedade de épocas e escolas.

Desde o século IX (Códice de Metz) ata o século XVIII en que desaparece a iluminación de manuscritos como modalidade artística atopamos testemuños na rica e voluminosa colección. Todas as escolas europeas de iluminación están representadas (española, italiana, francesa, inglesa, distintos focos centroeuropeos) destacando, polo seu número e calidade, o fondo italiano.