Manuscritos relixiosos e litúrxicos
O fondo de manuscritos relixiosos e litúrxicos da BNE destaca non só pola súa abundancia, senón tamén polos seus belos exemplares con miniaturas. Neles inclúense tratados litúrxicos, libros de culto e libros de horas, dos que a BNE ten unha importante colección, nos que están representadas todas as escolas europeas.
A procedencia é diversa. Sobresaen os procedentes da biblioteca de Juan Francisco Pacheco Téllez Girón, duque consorte de Uceda (1711), biblioteca incautada por Felipe V tras a guerra de Secesión. Como vicerrei de Sicilia, recolleu os códices da Catedral de Mesina e doutras igrexas de Italia.
Importantes pola súa cantidade e calidade son os fondos da Catedral de Toledo, entre os que destacan os visigóticos e as coleccións reunidas polos cardeais Lorenzana e Zelada a finais do século XVIII.
Tampouco faltan os exemplares decorados para a realeza ou para as familias da nobreza, e para os grandes prelados, como os Pontificales para uso de Alonso Carillo, arcebispo de Toledo e de Luís de Acuña, bispo de Burgos
